مطارحة من اشعار الطنبور

[الوقيع]

إنت المك ماهو ذى ألماً على مُزمـن
وفقدك لو تقول ذى فقدى ما ممكـن

(ن)

[اسامةابوالقاسم]

نومي اصحي علي غرورك معاك لا ذال التحدي
واي طريقا يوصل لي قلبك منــــــــــي ســـــــدي

[الوقيع]

يا ريتني أخترق العهود وأعبر معاك خلف الزمن
لا تمضي من عمرك سنين لا بكرة يغشاك الوهن

(ن)

[اسامةابوالقاسم]

ناس البلد النام رقد
والماسك السبحي وعبد
مشغول هو بي خبر العريس
القالوا قام يوم الاحد

[الوقيع]

داير اكتبلو أقولـو قليبـى متبشتـن
يتوحـوح كتيـر ريشـاتـو يتـهـزِّن
يبكى الماضى وأفراحو الرحل زمنـن
مسكين ما لقى الفى حالو يرتى يحِـن

(ن)

[اسامةابوالقاسم]

نلاقيك ونعايلك نقول إن شاءالله نتفرق

وكان قبلتا غادى لى شوفتك بنتحرق

[سليم الناظر]

قولو العشوق طاريك شوقك مبكيه
يهديك الف سلام ردو اللوديه

[الوقيع]

هو الساقنا لي مدن الهلاك
يـا حـلوه بدفـع فـي تـمــن

(ن)

[سليم الناظر]

نحن جينا من الغلابة وللغلابة وبالغلابة
البلد شايلى هوانا ونحن شايلين السحابة

[اسامةابوالقاسم]

هي ما ذي المطر بتقيف ولا ذي البروق تشلع
دخلتها بي مسام الروح غلبني من ادهاشي اطلع

[سليم الناظر]

عبر الاميال عود يا مرسال ارجع فى الحال عوووووود طمنى

قوليهو الشوق العارفو براك لو تدرى وراك كم اللمنى

[حنان البدوي]

يا الوراريق ليكم بصيح
جنّ عقلي بعد كان نصيح
قلبي مرضان فيهو تجريح
وعندي شرياني الزاد نبيح

[خالد ابوالقاسم]

حليل زمن البيوت الموبيوت ضيق
وحيشـــانا المبردحــة مــاها محيق

[حنان البدوي]

قالو لي بترجا شافعة قت ليهم لو بترضع
قالو لي صباك ضايع قي ليهمبيها برجع
وصو ساكت توصو وصيتكم ما بتنفع
وشوف العين شن بسوي لي جايعاً قصدو يشبع

[اسامةابوالقاسم]

عليكم الله يا احباب اتلموا وتعــــالوا قراب
خلونا النعيش ايامنا الموت ييدا خلف الباب

[حنان البدوي]

بت البلد عبراتا سدت في الحلق
تبكي وتنوح تشرب دموعا وتنشرق
لامن حسيس نقارة جاها من الشرق

[سليم الناظر]

قدر الحبيب لا شمتت فيه الخلق
فرق الحنين من زول بريدك بصدق
كل ماطراك بالفرحه يشهق وينشرق
وانت الهناك لا حنه قلبك لاشفق

[حنان البدوي]

قدر ما درسنا فيهو درس واحد ما افادو
تراها الفولة اتملت ليها تاني البقارة عادو

[اسامةابوالقاسم]

ويات من شافوا منغير شورة قام شال منجلو وطرق

قوافل غربت فى دربو يا نعم العنا وشـــــــــــــــرق

وماكت يا زمان فراق مالك ما قدر فـــــــــــــــــــرق

[الوقيع]

قـــادر انــســاك وابــعــد لــكــن
مــن بـعـد هـــواك اقـبــل ويـــن

(ن)

[سليم الناظر]

ناري أنا ما بتموت بي هيني ناري أنا يكتلا الوقدا
ناري أنا كيف تموت وقليبي زي نار المجوس عبدا

[الوقيع]

أخلى الكون فرح يرقـص معـاى طربـان
تغنـى طيـوره تتمايـل علي الأغـصـان

(ن)

[الهادي قنديل]

نورة يا شوق عمرى كلو
نورة يا لهب المشاعر
كيف تلاقينا وتفارقى
زى حلم فى لحظة عابر

[الوقيع]

راجى نجاته من النجا يونس لما بلعو الحوت
سنين الامتحان قضاها حتى نهارو من غير ضى
شيلنى عليك وقوم ياموج محل ماترسى راضى أكون

(ن)

[الهادي قنديل]

نان نحن متين اتلمينا لمن نتفارق يابنية
ما الشوق القادِك وداكي ياهو الهسع موقد فيّا

[الوقيع]

إتحيـر بقيـت فـى أمـرى متمحـن
أحفر فى الارض مرات براى وادفـن

(ن)

[الهادي قنديل]

(ن)


نتلاقى وتتلاقى الفرحة ونرسم معنى هواك وهوايا
واصلو الحب لمان يتجسد في العينين مابدورلو قرايه
__________
قليتنا قلي بالنون دي :D

[الوقيع]

هو كان شايف اشارات الوداع في العين
قدر جاي وامل راحل حزن قدر الفراق والبين

(ن)

[الهادي قنديل]

نارك في فؤادي انا حية مابتطفيها آه وأحيّ
شوفتِك حسنه تمحى السية مالو ان جدتي بيها عليّ

[الوقيع]

يالفاتو ماجايين
يالفوق جمر قاعدين
يالماتو بالآهات والحسره والاحزان

(ن)

[الهادي قنديل]

نظرات عيونا آه من عيونا علي التصادفو تكهربو
ترسل سهم يأذى القلب في الفيها مابتحسبو
ياداب عرفت إنِك شمالية الاصل ابو عن ابو
فكرت في قول الجدود كان لينا دايماً يقلدو
قالوا الشمال منبع درر حسدو القدر في مكسبو

[الوقيع]

ولا سون ضريرة وضقنا فالن
ولا ربطن حريرة وسدوا مالن

(ن)

[الهادي قنديل]

نقريش نغم دافي وحنين خليني للماضي السعيد
دايماً مع حس الوتر نسرح نسافر ليل بعيد

[سليم الناظر]

داير اقول يا خلق الله ياخلق الله مالو زماني
لا رحم الصغر في صغري ولا رحم الكبر في كياني

[الوقيع]

يا طير الغروب أسكـت كفاكـا رطـن
قبلك كم بكيت وكم من نفوس يبكن

(ن)

[الهادي قنديل]

نوحو كان سبّاق وأسرع
خِبر أبوهو سبب بكاهو
من عقاب صوتاً مقطَّع
قام رجالة عشان يحصِّل
لاحظ الخطوات بترجع
لي طويقات غلبو قفَّل
وكفلت القلب الموجع

[حنان البدوي]

عليكم الله يا احباباتلمو وتعالو قراب
خلونا النعيش ايامنا الموت يادا خلف الباب ...

[سليم الناظر]

بكيت وبكيت طريف العين متمسح بالدموع رقرق

عشان مظلوم زماني الليلي شتت للشمل فرق

بسوي الووب نحاس احزاني جوه قليبي ينقر دق

[حنان البدوي]

قالوا الدنيا يا محبوبة تجمع يوم ويوم تفرق
بس نان مالا ما بتجمعنا ولا دا ما هو متحقق
صح ما ليها أمان والله ليا مضيقى المشق

[الهادي قنديل]

قايلة عاد لسواكي بكتب ولّا من بعدِك بحب
لا لا وحياة ذكرياتي كل شئ بعدِك خِرِب

[سليم الناظر]

بطالع فى بدر فتق الخمار طالع
وبطالع فى القوام الامرد الفارع
وبطالع فى جمر بيكى وبلاك والع
وبطالع فى النفس لا يبقى مو طالع

[الوقيع]

عيال الروضة ياسمحين
لمن جيتو متماسكين
ما شفتوها راحت وين
مرام سرقت منام العين

(ن)

[الهادي قنديل]

نوري دين وحضارة وتراث وياها نبراس المعرفة
السماح يمشي يفوتا وين جنه من غيرا مزيفة

[الوقيع]

تحكى وتجيب مليون سؤال
كيف اللكان وين المكان
وليه الزمان فاتح على نار الشجون
انا مين اكون

(ن)

[الهادي قنديل]

نوري كم بي ذكر الجمال طاب سماع المو شايفا
فيها يجري النيل من قديم ماترك مجراه مصادفة

[الوقيع]

تاتيـتـو هـــواك فـــوق الايـديــن
مـن قبـل صبـاك مـن عهـد الليـن

(ن)

[الهادي قنديل]

نورى سمّوا عليها الملـوك والنصُـر ديمـة محالـفـا
عـزّة الهـرم الشـيّـدوه يحكى عن تاريـخ متحفـا

[سليم الناظر]

الأسف جواك خيم .. هربت صبابات المتيم
ياهو قدرك أوعى تندم .. الضياع يا صاحي معلم
لا الزمان القاسي يرحم .. ولا الفؤاد الباكي يسلم

[الوقيع]

مــنــك لله انــــا زول مـسـكـيــن
وطول عمري مسالم وقلبي حنين

(ن)

[الهادي قنديل]

نوري حين جاك حمّد سعيد ينـزف الدمعـات يزرفـا
ردد الاهـة وجـاك وقيـع شلتى فى جوفـك واختفـى

[سليم الناظر]

نسمه فى الزمن الجميل
ابقى ذى ماقلت ليك

ماتكلمينى عن الهوى عن قصه الحب التضيع
مع إنو درسنى الصبر

[الوقيع]

رغم المخاوف أمنهن
ناديت لهن
فهمني شي
وشابيت لهن اضحك و ائن
وانا اقسى كيف
ما ياني فيهن ومنهن

(ن)

[الهادي قنديل]

رغم المخاوف أمنهن


ناديت لهن
فهمني شي
وشابيت لهن اضحك و ائن
وانا اقسى كيف
ما ياني فيهن ومنهن


(ن)

الوقيع دي مابتمشي عليّ يا الحبيب
القصيده تقول
غنيت لهن .. لمن موهدب فزتبن .. وختيت لهن رغم المخاوف أمنهن
ناديت لهن فهمني شي .. شابيت لهن اضحك و أئن

يعني يا الحبيب ماتمسك لي القصيده من نصها

[سليم الناظر]

الوقيع دي مابتمشي عليّ يا الحبيب

يعني يا الحبيب ماتمسك لي القصيده من نصها


امسك قبضو
:D:D:D

[الوقيع]

نوري حين جاك حمّد سعيد ينـزف الدمعـات يزرفـا
ردد الاهـة وجـاك وقيـع شلتى فى جوفـك واختفـى

عزراً الهادي ولكن قريبك سليم شات ضفاري

يا قاف يا واو يا راء وياشـين
ويا حبي المات في مهدو دفين

(ن)

[ابوذر عبدالرحمن احمد]

قادر انسك وابعد لكن

من بعدك تاني اقبل وين

[الوقيع]

قادر انسك وابعد لكن

من بعدك تاني اقبل وين
* تنبيه حبيبنا الفديابي القافية ( ن)
ونعود من جديد...

مبداي عارفاهو الزين بالزين
والسن بالسن والعين بالعين
مظلوم منك تلقيني حزين
اقطع من جلدي واضاري الشين

(ن)

[ابوذر عبدالرحمن احمد]

* تنبيه حبيبنا الفديابي القافية ( ن)
تسلم ياالوقيع ماكنت عارف

[الهادي قنديل]

نسيتيني وماقايلِك بتنسيني
نسيتيني ونسيتي إنِك نسيتيني
سألت عيونِك المحتاره لمن انتِ شفتيني
مشبهي ولاّ هاديه النظرة ام بهتت عناويني

[حنان البدوي]

يا زينوبة ابوكي هو اصلو حالو برا
لا قاري العلم ولاهو سيد خبرا
ومو زول غربة لاكين الظروف جابرا
ما لو كان صبر كل الخلوق صابرا
والصابرات روابح لو يجن قماح

[الهادي قنديل]

حبك ليا لو تخفيهو يظهر فى وشيك عديل
تبدأ ملامحو فى عينيك يقراها الكفيف بالليل
ما أتولد البسير فوق دربي والبخبر دروبيقليل
والدرب التطول ايامو بوصل ميسو في فد ليل

[الوقيع]

ليه عيوني الشوق حارقن
والدموع دايره تغرقن

(ن)

[الهادي قنديل]

نار الناس تموت بالموية وناري عدمتلا الطفاي
والخلق الالم من جمرة خلّا العين بلا وكاي

[الوقيع]

يادرة الوطن العزيز ياالنادره ياالماليك وزين
عشمى ومناي ارجع واجيك أنا غيرهواك متل السجين

(ن)

[حنان البدوي]

ناس البلد اتلمو عليهن
رجعو يصفقو في ايديهُن
عدمانين من اسمو حكيم والاخبيراً للمشروع
علما اثار هو فضلاً فيها اثار
ما خموها الجونا قبلكن شن خلولنا بلا حُجار

[الهادي قنديل]

رغم صعوبة الاسفار .. ورغم قساوة الاقدار
والراجينى من مشوار .. عكس الموجه والتيار
مسافر لي بعيد وبعيد .. وشايلك يا جميل تذكار

[مجدي احمد عبد الرحيم]

ر بما تجمعنا أقدار نا
ذات يو م بعد ماعز اللقاء
فإذا أنكر خل خله
و تلا قينا لقاء الغر باء
و مضي كل إلي غايته
لا تقل شيئا فإن الحظ شاء

[الوقيع]

انت البتعرف للأصول كاسب رضاء الوالدين
من قمت درفونا صغير ماكت يوم نيا عجين

(ن)

[محجوب ديمو]

نعايلك نقول انشاالله نتفرق
وكان قبلنا منك غادى لى شوفتك بنتحرق

[الهادي قنديل]

قولي لي كيف قلبك سمح يجرح قليب ليك إنشرح
ودرتي زول كايس الفرح عيشتيهو في دنيا الترح
مُستني كان تبقيلو غيمة تظلي من حراً لفح
لكن بقيتيلو الهجير في وادي منو الغيم نزح

[ابوذر عبدالرحمن احمد]

حلات الساقيه لما تدور تكب المويه تروي الطين

حلات تربالنا لمن يسقي في الحيضان شمال ويمين

[الوقيع]

نزلت ملامح طفله من رحم العزاب
ورضعت طعيم الحسره من قبل اللبن

(ن)

[مجدي احمد عبد الرحيم]

ناحت و فرخاها بحيث
تراهما + و من د و ن أفراخي مهامه فيح
ألا ياحمام الأ يك إلفك حاضر _ و غصنك مياد ففيم تنو ح
‏ ( ح )

[محجوب ديمو]

حليل الماضي وحليلو
اليفرق الزول من خليلو

[سليم الناظر]

ناحت و فرخاها بحيث
تراهما + و من د و ن أفراخي مهامه فيح
ألا ياحمام الأ يك إلفك حاضر _ و غصنك مياد ففيم تنو ح
‏ ( ح )
هسي دي يا مجدي فنان البغنيها منو؟؟:cry_1:

[الوقيع]

حليل الماضي وحليلو
اليفرق الزول من خليلو

والليله في الأهوال دوام يصرخ ومو لاقى البعين
وينك بعدتى على ليه وأنا ليكى كاتلنى الحنين

(ن)

[حنان البدوي]

نورا نقّاحة الجروف
.. نورا حلابة اللبينى للصغيرين والضيوف
نورا ساعة الحر يولِّع تتقلب نسمة وتطوف

[سليم الناظر]

في نيتي اصبر والصبر للمتلي فوق طاقة النفس
إلا الصبر جواي مات يوم ما بقيت بهواكي احس

[الوقيع]

سفاينك ما بتلم فى ساحلى والشاطى الهجرتو سنين
وفى لحظة غضب إخترتى فى لحظة عذاب وأنين
والدرب الصبرت عشانو فى آخرو اتفرق دربين
ما إنتى البراك ابحرتى عز الهيجة بين موجتين

(ن)

[حنان البدوي]

نورة تحلم بي وجود
ما مشت بينو القيود
أفضل أفضل بي كتير .. بي وطن من غير حدود
نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
نورة تحلم .. ولما تحلم نورة ترجف
ولما ترجف نورة تحلم ..
ولما ريح الواقع المر .. لي عشيش أحلاما ينسف
نورة تنزف

[سالم جعفر سالم]

نورة تحلم بي وجود
ما مشت بينو القيود
أفضل أفضل بي كتير .. بي وطن من غير حدود
نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
نورة تحلم .. ولما تحلم نورة ترجف
ولما ترجف نورة تحلم ..
ولما ريح الواقع المر .. لي عشيش أحلاما ينسف
نورة تنزف


كويس يا ام وعد لو ما اكلمها تشوفي براكي

[الهادي قنديل]

ولما ريح الواقع المر .. لي عشيش أحلاما ينسف
نورة تنزف

فتشت عليّ .. وأنا بين إيديّ .. لكن إيديّ بينن ساساق
لي إي طريق .. وأنا ياتو رفيق .. لي أي زمان .. لي ياتو رِفاق
أنا ياتو مضيق .. لو مرة تفيق .. في أي حريق .. كنت اللحّاق

[حنان البدوي]

كويس يا ام وعد لو ما اكلمها تشوفي براكي

الفتنة اشد من القتل
نورا محمد ما عندنا فيها قول
دي نورة ود جبارة

البوست وخرب وكلو بي سببك

[حنان البدوي]

فتشت عليّ .. وأنا بين إيديّ .. لكن إيديّ بينن ساساق
لي إي طريق .. وأنا ياتو رفيق .. لي أي زمان .. لي ياتو رِفاق
أنا ياتو مضيق .. لو مرة تفيق .. في أي حريق .. كنت اللحّاق


قالو الدنيا يا محبوبة تجمع يوم ويوم تفرق
بس نان مالا ما بتجمعنا والا دا ماهو متحقق

[سالم جعفر سالم]

قوافل درجن يادوب
وطالبات النبي المحبوب
يالمنك الرزق مكتوب
ورباً حاشا ماك مربوب
استغفر اليك واتوب
لا تكتب عليا ذنوب
تعظم اجري في المجذوب

[حنان البدوي]

بكيت ذرفت المدامع شكيت لي الله وعبادو
رديت وجيت راجع ودينك غلبك سدادو

[سالم جعفر سالم]

وحاتك يمة ما بعدك حنين ****لكن حبيبي الغالي لي رتاي
صباحك جد صباحا زين*****وزولي الزين قمر ضواي

[حنان البدوي]

وحاتك يمة ما بعدك حنين ****لكن حبيبي الغالي لي رتاي
صباحك جد صباحا زين*****وزولي الزين قمر ضواي


يلا معاي نرسم شوقك لوحة ريد لي أجمل ريدة
يلا معاي نرسم ريدك مسدار حب لي أحلى قصيدة

[سالم جعفر سالم]

تاتي قوماك يا رحاب يلا
تاتي ماشين في امان الله

[الهادي قنديل]

هيْ .. أقيفِنْ .. نورا فِيكِنْ ؟
نورا ... نقّاحة الجِّروفْ ..
نورا ... حَلاّبة اللِّبيني ..
للصغيرين والضِّيوفْ
نورا ساعة الحَرْ يولِّعْ ..
تنقلِبْ نسمة وتطوفْ

[حنان البدوي]

فسرت للناس رؤاها
وقالوا جنت ومو براها
ونورة زادت فوق شقاها

[الهادي قنديل]

ايامنا الزمان ياحليلن..شاربات من هداوة الريف
وارثات الجمال من نيلن..عامرات في ليالي الصيف

[حنان البدوي]

فوق من بروش وجريد تمر وعيان قصار ودلوق هدوم موروثة من زمن الكبار

[عبدالكريم احمد حمد على]

روح يوم التلاتاء اندلى فوق الرصيف تلقاها
لاتحتار كتير فى اوصافه ديك ياها وديكى ماياها
باينى حبيبتى من بسماته والنور يضوى فى محياها

[الوقيع]

أبـوك لبى نداء الأجـل خلاك فى الأرحام جنين
عند المخاض ساعة مجيك طار المنام من أى عين

(ن)

[حنان البدوي]

نـوع ديـلا قـايـلـيـن العرس زغرودة عن ساعة الخضاب
نـوع ديـلا قـايـلـيـن العرس طــاقــيــه يـلـبـســـه كل شاب

[محمد تاج السر عبد الرحمن]

يا عابره عبر الدم شيلاك شرايني
انا بي لقاك مهتم بس كيف تلاقيني

[وليد عمر محمد الحسن]

الزول كان صمت وصفوهو قالو افلس ومشيول حال كمان لو خاطر اتحدث ربنا ماخلق من النميمة اخبث واحد يزرعة وللباقي تتخمس

[حنان البدوي]

ســــافـر يــــا جــــرح جـــواي سافر فـــــوق جناح السرعة
الموج يوم يضارب الشـاطئ والريح لما تطفئ الشمعة
والـمـحـبـوب وقـت يجرحني لو ضمير يحس أو يوعا
جـرح الـريــدة كـان يـتـعـد مـن ضمن العجائب السبعة

[حنان البدوي]

البوست دا وقف عشان كدا حارد علي نفسي

تعال ياالطولنا منك تعال انت نسيتنا اظنك

[الهادي قنديل]

كنتِ الامل لي والمنى وكم في العيون شِلتِك انا
واشتقت ليك شوق الطيور الراحلة للعش والجنا

[الوقيع]

اندلقي حن مرات جفاك بلا اذن
شن تلقي يوم ماتت عيون اللهفه والشوق دار يجن

(ن)

[حنان البدوي]

نحن نصاحاً زي واطاتنا
نحن نصاح علي القراص والتجار
والحاصل البحصل كل صباح

[حنان البدوي]

عشان مافي زول رد انا برد علي نفسي
حـبـى أنــا لـيــك كـان زادى كـان جوه الحنايا دفين
كـتّ بـضـــارى مـن الـنـاس وخايةه عليهو من العين

[الهادي قنديل]

نضاريك في العيون تظهر ... بريق لهفة ودمع هطّال

[سالم جعفر سالم]

نضاريك في العيون تظهر ... بريق لهفة ودمع هطّال


لاني شاعر نظم الحروف .......لاني فنانا بعزفا
بس بمجد بلدي واجيد........لي تليدا ولي طارفا

[حنان البدوي]

الجايينا يصل بالنيه وصدق احساس وطيبة القلب
والعنوان عند أى فراشة وأى نسيم يوريهو الدرب

[سالم جعفر سالم]

الجايينا يصل بالنيه وصدق احساس وطيبة القلب
والعنوان عند أى فراشة وأى نسيم يوريهو الدرب
باكر في دغيشا بدري في ساعة الفجر
اظنك اتخمل بي غادي في ضل التمر

[حنان البدوي]

رغم انو العلم اتقدم لكن مافى على الاطلاق
دكتور يفحص وجع الريدة ويدى مسكن للاشواق

[سالم جعفر سالم]

رغم انو العلم اتقدم لكن مافى على الاطلاق
دكتور يفحص وجع الريدة ويدى مسكن للاشواق

قلنا نجيب المداحين راشد طنطن
انا جاي من الحج....
وزي ماك عارف راشد لما يطنطن
كل الدنيا الفوقي تطنطن....
غايتو محن بس ربي يهون

[حنان البدوي]

نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد

[سالم جعفر سالم]

نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد


داير اقوم بالتوفيق غفر مالو زي دا ومال السفر
تسعة للاستارتر نقر وجرا كوزو النيسان شخر
من تعاشيقك بس احذر وايدك البتمسوا تخدر

[حنان البدوي]

داير اقوم بالتوفيق غفر مالو زي دا ومال السفر
تسعة للاستارتر نقر وجرا كوزو النيسان شخر
من تعاشيقك بس احذر وايدك البتمسوا تخدر

روحي في هواك صبحت زمن يا غالي مقتولا
وريدك زادها في الترحال وأغاني الشوق ومدلولا

[الهادي قنديل]

اجيكم والحنين كاسحبي سيلو
يلاقيكم قليبي يبِل غليلو
يزيل حزن السنين الهدّ حيلو
سنين محسوبة من غيركم خساير

[حنان البدوي]

رغـم الـحـصـل والـكـان ياما صبرتا علـيك
كـان الـعـشـم جـواى تـصـدق معاى عينـيك
لكـن غـرورك فــاض كـتـل الـبـراءة الـفيك
خـلاك تـقـول مـجـبـور أنـا بكره برجع ليك

[الهادي قنديل]

كفارة كم زيك مصاب ياقلبي سهم الفرقة صاب
لاتبكي ياقلبي وتنوح مابتشفي دمعات الجروح
استنى خلي الراح يروح باكر بتلقى الفي الكتاب

[حنان البدوي]

بلادي الجنة للشافوها او للبرة بيها سمع

[الهادي قنديل]

عارفك ما لي .. لكن الكي .. في الجرح الني .. يشفي وحرّاق
والشوق الفيّ .. مطعون بالبيّ .. والبيّ مِحنة وآهة وأشواق

[حنان البدوي]

قدر ما درسنا فيهو درس واحد ما افادو
تراها الفولة اتملت وليها تاني البقارة عادو

[الهادي قنديل]

واحد عندي كان آلامي تنقص ولاّ تاني تزيد
ولاّ اصبح ملاقي مآسي ولاّ يطل عليّ العيد

[سالم جعفر سالم]

قدر ما درسنا فيهو دري واحد ما افادو
تراها الفولة اتملت وليها تاني البقارة عادو

وكيف اعمل مع الاحوال
عزاي اخضع واجرو غناي
غناي قبلك علي ما حام

[حنان البدوي]

واحد عندي كان آلامي تنقص ولاّ تاني تزيد

ولاّ اصبح ملاقي مآسي ولاّ يطل عليّ العيد



داير اعاين امتع عيوني وعيوني وراك وا سهادا

[الهادي قنديل]

داير اعاين امتع عيوني وعيوني وراك وا سهادا
اضحك وابتسم تضحك معاك الدنيا ياسيد الاسم
الزيك انت خلق ضحوك ماخلقوه ابداً شان يهم

[حنان البدوي]

متين يا ربي انا يتحل قيدي
ومتين يا يمة تفرحي بي جديدي

[الهادي قنديل]

يا قلبى اتصبّر اصلو الظروف قاصداك
معليش إذا جاء الليل وخيم على دنياك
عذراً إذا الأحلام اكبر من الإدراك
وعفواً اذا حبيت زول ماعرف معناك

[حنان البدوي]

كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه

[الهادي قنديل]

هويتك دون بنى الانسان عشقت اخترت عينيك
متيم قلبى بيك ولهان فى اعمـــاقى خــاتيك
رويتك بى وفاء وتحنان فيض تحنانى راويك
جزاى خليتو للنسيان نسيتنى وقلبى طاريك

[حنان البدوي]

كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة

[الهادي قنديل]

هيا ابعدى كل العواطف واشاورِك في امرين ضرورى
يا تزيدى مواجعك على يا ترجعى فرحى وسرورى

[حنان البدوي]

يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى

[سليم الناظر]

يلا معاي نرسم شوقك لوحة ريد لي أجمل ريدة
يلا معاي نرسم ريدك مسدار حب لي أحلى قصيدة

[حنان البدوي]

تقدر تعتذر تقولى ايه الحماك
تكتب ترسل لى والله جفيت براك

[الهادي قنديل]

كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم

[حنان البدوي]

مـالـك قـلـبـي مـن تـطـراهـا بـالبيك لا بتحس لا بتوعى
مـنـحــوس انـت مـن مـا قـمـت اصـلك ما بتفوز بقرعة
سـعــدك لـو تـجـيـبــو كـرامـة كان مديت زمان القرعة
فـي الـمـر مـا عـلـيـك مـلامـة أشـرب ما تفضل جرعة

[سليم الناظر]

تقدر تبل زرع السنين بي فيض دموعنـا بعـد حـرق
غـيـر نـسـأل الله يسـهـل القـاسـي وتـهــون ..
...يدينـا فـي باقـي العمـر صبـرا ً نجفجفبـو العـيـون

[حنان البدوي]

نـذرتـا عـشـانـك شـبـابـى صـبـابه ولوعه وتمنى
وقـدر مـا مـديـت صـبـرى وقــدر مـازاد التجنى
اشـوفـك افـرش قـلـيـبـى تـغـيـبـى امـنـح واغـنى
اغـنـى الـوجـع الـبـولـقـد جـحـيـمـو يبق ما يونى

[الهادي قنديل]

يا ممكون جواك وصابر
وصبرك في جواك ممكون
يا تايه في الزمن العابر
وعابر زمن الهم محزون

[حنان البدوي]

نفضت هواك من طرفي عشان ربطك مرخرخ وني
طويت زكراك والاحلام ونجضت الجرح بالكي
ولقًيت صدري للايام مسارب للامل والضيً
بعد ما كنتي كل حياتي هسه ولا بتمثلي شئ

[خالد ابوالقاسم]

يا حليلى أنا المشتاقه لى دقة الجرس للحصة لى فتح الكتاب
يا حليلى أنا المشتاقه تشغل بالى مسألة فى الحساب
مشتاقة لى قومت الصباح البدرى مابرضى الغياب
مشتاقة لى لمة مذاكرة بين زميلاتى البعيدات والقراب

[حنان البدوي]

بكيت زرفت المدامع شكيت لي الله وعبادو
صديت وجيت راجع ودينك غلبك سدادو

[حسن البطري]

ويـن تـانى تلقـالك حضـن يأويـك وكتـين تشتكى
ميـن السـواي البفـهـك يا حـمـداحـمـد غـيـر حـكي

[الوقيع]

يالسمحه سموكى القرير والناس تجيك من وين ووين
وأنا قمت منك شن أقول غير ده المسطر في الجبين

(ن)

[الهادي قنديل]

ندمان شديد بس مابيفيد كيف بالسراب انا اهتدي
ندمان اعاتب في خُطاي غلطاني ليش عملت كدي

[سليم الناظر]

يبقـى مـا تلقـانـى بـكـرة وراك أمــوت
ودا إن حصـل ألبـس ســوادك وحـدّنـى

[الهادي قنديل]

يارمـال حلتنا زولاً كان بآنسِك ياحليلو
فات رحل من بلدو روّح وفاتلو لي دار ماها هيلو

[خالد ابوالقاسم]

والدن قال ما يمرقن
خايف النظرات تلحقن
وخايف العين لا تعوقن

[الهادي قنديل]

نـَــخـَـــلْ الــغـُــبـُــشْ أهَـــلـِـى الـحُــنـَـانْ يـَـا غـَــالــِـى لـِــيـــكْ دَايـْـمَـــاً يـَـحـِــن
وفـِى الـطـِّـيــنْ تـِـحـِـتْ مِـنْ فـُـوقْ يـَـحـِـتْ تـَــمْــرَاتْ سَــبــِـيــطـُـو يـَــشَــتــِّـتـِـن
الــنـِّـــيــــلْ هَـــمَـــدْ حـَــزْنـَــانْ عَــلـِــيـــكْ رَافــِــضْ مَـــرَاكـْــبـُــو يـَــسَــــيــِّـرن

[خالد ابوالقاسم]

نمشي الجزيري الله
ونحش نجيلي الله
بي غادي واحد الله

[الهادي قنديل]

هيثم احكيلكم حكايتو قولي صاح مافيهو ريبة
قصتو المشهورة كانت حاصلة قبل سنين قريبة
تبدا بي مشوار عواطف بين قلوب مليانة طيبة
ريدة في عمق المشاعر كل يوم يزداد لهيبا

[حنان البدوي]

الله الليل والليلة
الله الليل يا ناس الليل والليل
الامان يا ناس

[الهادي قنديل]

سيبني سافر راضي سفرك خلو يبقى ايام قليله
وشيلني في خاطرك غناوي للمحطات الجميله

[حنان البدوي]

هو زول منو الباب يتاقو
يتاوق وواقف قصادو
تراها الفولة اتملت وليها تاني البقارة عادو

[الهادي قنديل]

وين مشاعرك ديك والعشرة النبيله
وين ضحيكاتك وكلامك داك والمرقات حليلا

[حنان البدوي]

الكاتما فى جواى كتير متملك الجوف والعصـب
وما كت دايرة أقولو ليـك لكن لسان الحال غلـب
ما بنسى يـوم ودعتـنا وسافـرت فى غـرة رجـب
خلـيت وراك الـدار حـزين يتباكـا والدمع انسكـب

[الهادي قنديل]

بديت حبك معاى شريف ليه بالله ليه خنتو
تبدل ريدى بريد زول غريب فى دربو ليه سبتو

[حنان البدوي]

وأنا أرحم لىْ فـراق الدنيـا .. مـن عينيهـو ساهـل
أريتن عرفو روحى بلاكـى روضـاً زهـرو زابـل

[الهادي قنديل]

ليه واعدة للروح بالهناء ومتواتية للغيم بالكتاف
قدر المسادير الغنا وقدر العتامير الجفاف

[حنان البدوي]

فوق جدول أمل يتجـارى .. يـروى الريـد مشاتـل
تسـألـى بالبسيـمـة التـايـهـا .. كـيــف بالله عـامــل

[الهادي قنديل]

لا مني لا منك حكم الارادة أطاح
بي ريدنا والاحلام قمح عهودنا قماح

[حنان البدوي]

حليل الحلي والقيزان
حليل قعدتنا يالاخوان

[الهادي قنديل]

نجوى بت خالتو الوحيدة ريدتا اصبح مبتليبا
باشتياق لي لقيا دايما كان يسوقا على دريبا
كاتم الريد في دواخلو وبرضو كاتما هي في قليبا
مطوي في الوجدان غرامن زي خلايق ساترة عيبا

[حنان البدوي]

أدوب اتـفـجـر غـنـاوى اخـاف الـفـرحـة تـكـتلني
احـاول يـا روحـى قـربـك عـلى بى قربك تضني
دمـوع الـدم مـنـى تـنـزل تـخـضـب ايديـنى حني

[سلمان]

يا حبيبي انا افتقدتك
لما ذاد الشوق عليا
وانت عارف روحي غيرك
لابتموت لا بتبقي حيه

[حنان البدوي]

هوي اقيفن نورا فيكن

[حسن البطري]

نورة حلابة اللبيني
نورة نقاحة الجروف
نورة ساعة الحر يولع
تنقلب نسمة وتطوف

[حنان البدوي]

فـلـتـه مـن عـالـمـنـا الـضـنـيـن مستحيل تانى يكررا
قـررت تـتـحــزم تـقـيـف جـم ولـيـدا تكونـلـو الضرا

[حسن البطري]

أحسها في النسيمة الجاية
في كلماتي
في نغماتي
في طنبوري
في سلكايا

[حنان البدوي]

الله .. الله ..
الله من عبرةً سادي وآهةً للقليب بتشق
والله من دموعاً نازلي ينجارن بال مرتق

[حسن البطري]

الله .. الله ..
الله من عبرةً سادي وآهةً للقليب بتشق
والله من دموعاً نازلي ينجارن بال مرتق

قولو قليبي يامريودي غيرك ما بيطيب
وأي ديار بلا عينيك فيها أظل غريب

[سلمان]

باكربجيك من لعنة العشق
الملك قلبي الجريح
والحال بيغني عن السؤال
مابوصفوا الخاطر الفصيح

[حنان البدوي]

حليل الحلي والقيزان
حليل قعداتنا يا الاخوان

[الهادي قنديل]

نتلاقى بعـد البيـن في واحـة التحنـان
يوم العديـل والزيـن يبقى الوجـود ريـان
وأنسى الضياع الفـات ومرارة الحـرمـان

[حنان البدوي]

نـذرتـا عـشـانـك شـبـابـى صـبـابه ولوعه وتمنى
وقـدر مـا مـديـت صـبـرى وقــدر مـازاد التجنى
اشـوفـك افـرش قـلـيـبـى تـغـيـبـى امـنـح واغـنى
اغـنـى الـوجـع الـبـولـقـد جـحـيـمـو يبق ما يونى

[الهادي قنديل]

يـا أنـت يـانـور الامــل وزيـنـة الـوجـود
صعبـان علـىَ صـدودك الـفـات الـحـدود
صافينـي مـرة وانـت عنـدى نجـم سعـود
خلينـي افـرح ولـي صـدى الايــام يـعـود

[حنان البدوي]

دار انساكي وعارف قلبي للغير حبو ما بصدق
منك لو اموت كل لحظة بالريد قلبي ليك يخفق
ما بنساك عشان كملت صبري ولي حدودو لحق
الا الريد تحسبو عداوة وليكي انا من عداوتو شفق

[الهادي قنديل]

قلبي الجريح الإنطعن .. لا ملّ لا صادو الوهن
لاقاكي بي ريدو النبيل .. لاقيتي بي ظلم الحسن

[حنان البدوي]

نكران جميل وجحود لو كنتا بتذكر
تمرنا لما يشيل وتكون صبايتو خُدر
يمسك يكنكش زين لا يقسى لا ينكر
ويقع براهو يحت أول ما يبقى تمر
من العليك والبيك رب العباد يستر
قدرك تقاسى الويل بيك الحبيب يغدر

[الهادي قنديل]

رسمتك بـي مـداد إحساسي لوحـه جميلـه فـي الاشعـار
آمـن بغـرامـك وحــدي حـاسـب نفـسـي فــي الابــرار
وتـب لا خنت لا ارتديـت كـيـف يصـبـح جــزاي الـنـار

[حنان البدوي]

رسمتك بـي مـداد احاسـي لوحـه جميلـه فـي الاشعـار
امـن بغـرامـك وحــدي حـاسـب نفـسـي فــي الابــرار

[الهادي قنديل]

راجيك تبلي الشوق تجي في موسم الغنا و الزهر
يخضر جفاف دنيانا ريد يطرد ضلمتنا القمر

[حنان البدوي]

ريـحـة الـتـمـر فــوق الــهـدوم ولـون الخـضـار خانس لبد
والـشـوق أوارو بـيـشـتـعـل كـان ظـنـي فـيـهــو يكون خمد

[الهادي قنديل]

دابي قدرت الملم نفسي لما اللهفة كتلت حماسه
وقلت اعيش راهب واحداني ابعد من الدنيا وناسه

[حنان البدوي]

هوي يا سحابة شن بتخبي
نرحل والا ناوي تصبي

[سلمان]

يوم ما جيت من عندك راجع
كلي مواجع ونوح وسهاد
وإتوكيت حزناً دامس
بين خلجات القلب الراد

[حنان البدوي]

دار انساكي وعارف قلبي للغير حبو ما بصدق
منك لو اموت كل لحظة بالريد قلبي ليك يخفق
ما بنساك عشان كملت صبري ولي حدودو لحق
الا الريد تحسبو عداوة وليكي انا من عداوتو شفق

[الهادي قنديل]

قلبي الكان زمان موهوم وضايع بيـن سجـون واسـوار
خلاص حلحل قيودو معاك حِضِر تأبين غرامو وطار

[حنان البدوي]

رجعت وتاني صديت لي غناي القديم يا ناس

[حنان البدوي]

اكتر من 24 ساعة المطارحة واقفة حأرد علي نفسي
ساعة العصاري الظل يمد فوق الجروف يكسي التبيسات بالطرح
عين الشمس تنزل خجيلاني وتكوع بين شديرات البلح
والغيم ينقط في دموعوا علي الصفيقات السبح

[الهادي قنديل]

حبها لو تجيبو القوة الليد بي دروبو بصيره
لو دايري النجم يتلم يبقي عقد فريد في صديره
كت المستحيل اهديتها لو كان حتي لبن الطيره
وماكان غيري سهّد عينه او فد زول شغل تفكيره

[سلمان]

هردت لهاتي بالغنوات
وقت يبرد حشاك يا أمي
من التعب البلا صالح
تفيقي تروقي تنجمي

[حنان البدوي]

هاك اخرة الرسايل وماني داير منك الرد انا
فيها اشواقي وسلامي هدية للخد المورد

[الهادي قنديل]

دار تحيّ ماضينا الزمان البدري فات فيهو الفـوات
خليتني للاسف القدر يمسـح حـلاوة الزكريـات
بتبرأ من قلبي ان رجـع منـك يحـاول يقتـرب

[حنان البدوي]

بركلنا فوقو تنشر غيمة...
تدلق دموعا وترويهو ديمة...

[سلمان]

تعالي بدل نبني ساتر
نخيب ظن الصدام
ونطيب للعازه خاطر
ونقوم لي أطفالا سام

[حنان البدوي]

مــانـى نــادم كــان هــجـــــرتــا هـواك نـسـيـتـو
اصـلـى مـن فـارق دريـبـك الـمـنـام يـادوب لقيتو
مـالـى مـال أرهـن قـلـيـبى تجرحى وتحلف تبيدو
ويـبـقـى بـيـن إيـديـك مسـافر لا وصل لا لمّ بيتو
الـــــوداع يــا قــاســى فـى عــيـنــيــــك قـريـتـو
خـلـنـى اتـوكـل الله عـمـرى انـا الـضـايـع عفيتو

[الهادي قنديل]

وقــَــفْ الــزَّمـَــنْ فِـى يـُـــومْ أسَـــاكْ أسْـــــيـَــانْ ســِــنـِــيـــنـُــو يـَــضُـــمَّــهــِـن
يـَــبـْــكـِــيــــكْ أخـُـــــوكْ يـَــبـْــكـِــيـــكْ أبـُــــوكْ أخـْـــوَاتـَـــكْ إنـْــتَ وأمَّـــهــِـــن
وأصْـحـَــابـَــكْ الـعَــايـْــشـِــيـــنْ مَـعـَـــاكْ حـِـلـْــوَاتْ ســِــنــِــيــنـَـــكْ ومُـــرَّهــِـن

[حنان البدوي]

نــلاقــيك ونعاينلك نـقـول إنــشاالله نــتفــرق
وكان قبلنا منك غادي لي شوفتك بنتحرق
مفرهدي زي خدير لليلي مادنا منو زول ورّق
ويات من شافوا من غير شورة شال منجلو وطرق

[الهادي قنديل]

قلبي أنا.. حكيم يعرف متين يرتاح وينسى شقاهو يصفى يروق
ومتين يعكر يكون فيضان ويبقي علي الزرع خازوق
فشكراً يا حبيب الروح على مروادك المطبوق
أنا إن حبيت بقدّر زولي وان فارقت أفوت بي ذوق

[حنان البدوي]

قربك حار وبعدك حار ذاتك نور وحبك نار
بس قولي متين شفناك متين في الحي بقيت لنا جار
متين الالفه تمت بينا لما الالفه تبقى حسار

[الهادي قنديل]

راضي انا ابقى ميت حي انت لو نجم السعد باراك
وهمي اعيش واكون لك ضي وابقى من المِحن تالاك

[حنان البدوي]

كان تاجوج بقت بالرتبة مشهورة
انتي فوق تاجوج يمين زادوكي دبورة
وعشان كدا كم قلوب تابعاكي مجبورة
وقليبي حكليتو بس خليها مستورة

[الهادي قنديل]

هبي لي جمري المولقد زيدي لا يهمك نحيبي
اصلي مُحتار جِيتك اسأل ليه تودّي ومابتجيبي

[حنان البدوي]

يا زمان بالله اشهد
يا زمان بالله اشهد

[الهادي قنديل]

داير لقاكم يا العزاز غيركم محال الحال يسُر
في بعدكم تِقِل الزمن براحه للخطوات يجُر
_____
ام وعد شايفِك غلبتي حيلة شهّدتي الزمن بس :D

[حنان البدوي]

راجيك سنين وسنين حبل الصبر ممدود
حاضن العزاب يا ناس راجى الغمامة تجود


..............
كويس شهدت الزمان لكن لو كانت نون كنت حاقول ليك ناس ناسيانا

[الهادي قنديل]

..............
لكن لو كانت نون كنت حاقول ليك ناس ناسيانا
دَمْـــعـَـــاتـِــى مَــابْطـُــولـِــــنْ رَثــَـــاكْ عــِــيـــنـَــيـَّــا حَـــقــَّـــكْ مَــابْ يـَــفـِــن
( يـَــســـنْ ) أخـُــوىْ عـَـــادْ الــسِّــــنــِــيـــنْ كـُــــلَّ الـحَــصَــــلْ مَــا مـِــنــَّـهــِـن
وأيــَّــامْـــنـَــــا مَــحْــسُـــوبــَــاتْ هـِــنـَـــاكْ فـِـى الــلـُّـــوحْ مَـــلاكْ بــِــيـــدَوِّنــِـن
:D

[حنان البدوي]

نساني انا ما نسيتو
صبرت علي وما لقيتو

[الهادي قنديل]

ورتني اهوالاً جِسام شُفت النجوم عز الضُهُر
الله من الغربة الجحيم الفيها مابيجدي الصبُر

[حنان البدوي]

روح بالله اسأل عنو عن احوالو
واسألو شوفو مالو شمالنا شن سوالو

[الهادي قنديل]

واحد عندي كان آلامي تنقص ولاّ تاني تزيد
ولاّ اصبح ملاقي مآسي ولاّ يطل عليّ العيد

[حنان البدوي]

دايرة اللمبة شن بتسوي بيهو النور
مادام انتي كلك نور
والا دا بس سبب جاينا بيهو تزور

[سالم جعفر سالم]

دايرة اللمبة شن بتسوي بيهو النور
مادام انتي كلك نور
والا دا بس سبب جاينا بيهو تزور
رغم العذاب والبين حروفك تبقي لي واحة
تقلب ازاي تغريد عصفورة فاري جناحة
عند الصباح نشوانة ووقت الاصيل صداحة

[حنان البدوي]

تسقيك زكريات يا روحي شان تخدر لي تكبر
همساتنا وعناقنا الحاني ياريت ليها تتذكر
لمان من جداول ريدنا كنا بنرتوي ونسكر

[الهادي قنديل]

رحيلك نجعة من دار الفرح والزين
رحيلك طعنة في لهات الحبى دريفين
رحيلك وقفة فوق درب العليك باكين

[حنان البدوي]

نحن نصاحاً زي واطاتنا
نحن نصاح
علي القراص والتجار والحاصل البحصل كل صباح
شتلاتك قبضن
والعضمين الروكة انزرعن
ن

[الهادي قنديل]

نزيف الدنيا من حد البلد غربي
ونزيف الدنيا لاحد البلد شرقي
وجوم عامة الليالي العامره
كل الدنيا خاتة الخمسة فوق اتنين
ن

[حنان البدوي]

نمشي على القيزان نتقادم.. أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس كان يبقى الشوق الحاصل بينا معشعش فيهن
(ن)

[الهادي قنديل]

نص النهار ... عند المغيب ... عز الرياح
النخلة تتجاسر تصون عش الطيور البينا تفرد للجناح
ما ليها غير تطرح تمور
تملأ الشواويل ... القفاف
ينتم زين ... ينحل دين
ن

[حنان البدوي]

نحن الساس ونحن الراس
ونحن الدنيا جبناها وبنيناها بويت في بويت

[الهادي قنديل]

تاتيتو هواك فوق الايدين
من قبل صِباك من عهد اللين
خلاني وطار فرّ الجنحين
ومنِك لله انا زول مسكين
:D

[حنان البدوي]

نوريق الشوق وقيسابو متين
يا رش الغيم يا ريحة الطين
يا بختي أنا وكل الصابرين

[حنان البدوي]

نمشي في الخرطوم نستريح
الخدامة تسوي الطبيخ
وكل جمعة نزور الضريح

[سالم جعفر سالم]

نمشي في الخرطوم نستريح
الخدامة تسوي الطبيخ
وكل جمعة نزور الضريح

حبيبي عود سيب الصدود سيب الجفا
حبيبي اصلو الحب عهود الحب وفا
ياخي البريد جاب لي حقيقة مشرفة
قال تومتي وصلت بالسلامة قضارفا

[حنان البدوي]

إندهده فيها وقضّى نهار
حس العمال تحت الأمطار
الربط الخط ما فكَّ الخط
يا كم في الخط هيلا وأنفار
والناس النار أم قلباً حار

[سالم جعفر سالم]

إندهده فيها وقضّى نهار
حس العمال تحت الأمطار
الربط الخط ما فكَّ الخط
يا كم في الخط هيلا وأنفار
والناس النار أم قلباً حار


رازق السمكة في بحرا
انت فوق تومتي الصغير عمرا
وجروح قلبي الابت تبرا
زولي الشالتو الزهرة

[حنان البدوي]

تملانا هريتي بنوك العيش
تنفضنا فقر ندقس شقيش
بيغادي كتر وبي جاي الديش
معقول دا قدر معقول دا الدين

[سالم جعفر سالم]

تملانا هريتي بنوك العيش
تنفضنا فقر ندقس شقيش
بيغادي كتر وبي جاي الديش
معقول دا قدر معقول دا الدين

نورة نقاحة الجروف
نورة حلابة اللبيني للصغيرين والضيوف
نورة ساعة الحر يولع تتقلب نسمة وتطوف

[حنان البدوي]

في دورين موعود بي شغلة
لمت لمت .. كان ما لمت أنا جاييكم وما ندمان

[سالم جعفر سالم]

في دورين موعود بي شغلة
لمت لمت .. كان ما لمت أنا جاييكم وما ندمان

نورة نورك نور هو لي ضواي
نورة حبك نور هد كل اعضاي

[حنان البدوي]

يا قمرا ياقمرا
اقلبي السنسني الحمرا
شوفي ابوي انا الراجاهو كل صباح

[سالم جعفر سالم]

يا قمرا ياقمرا
اقلبي السنسني الحمرا
شوفي ابوي انا الراجاهو كل صباح

حاج الخضر عارفاهو داك
راجلا كريم وابو عيال
ماعونو فد يوم مابرد
عندو القروش راقدات كتار
عندو الحرير راقد لبد

د

[حنان البدوي]

دار انساكي وعارف قلبي للغير حبو ما بصدق
منك لو اموت كل لحظة بالريد قلبي ليك يخفق

[حسن البطري]

دار انساكي وعارف قلبي للغير حبو ما بصدق
منك لو اموت كل لحظة بالريد قلبي ليك يخفق

قلبي أنا خلو في أناتو
بعدك ياما راجي أنين

[حنان البدوي]

نورا القنا تكون دكتورة
نورا ،،، دموعة
يسوِّن طق ،، طق ،،،طق‏‏

[حسن البطري]

نورا القنا تكون دكتورة
نورا ،،، دموعة
يسوِّن طق ،، طق ،،،طق‏‏

قبال مني ما تعدي
قبال الفراق ما يحين

[سليم الناظر]

نسيتينى وما قايلك بتنسينى
ونسيتيني ونسيتى انك نسيتينى
سالت عيونك المحتاره لمن انتي شوفتينى

[حنان البدوي]

يا حليلا ويا حليلا
خلاص قطارها بقالو ليلة

[سالم جعفر سالم]

يا حليلا ويا حليلا
خلاص قطارها بقالو ليلة

تلتن يا تلتن
قادر الله التلتن
في مشيهن وقدلتن
وفي سبيبن ولفتتن

[حنان البدوي]

نولف بين ضرا الحبان
ولـف تربـال وطوريـة
سلام يانخلة عز الريح
هوت في إحضانة قمرية
ســلام يامن نقح ريدو
ورواهو وفاوبياض نية

[سالم جعفر سالم]

تاتي قوماك يارحاب يلا
تاتي ماشين في امان الله
قومي وعدي من بدري
عقبان يارحاب تطري
تتعلمي وتقري
تشرفي عمّ والفجرِ

[حنان البدوي]

رويان من قليبك يمة شوق وحنان وريد
غرقان في عفوك والله مما قام وليد

[سالم جعفر سالم]

دابوا فريخ يعوم
شال منام عيني احماني انوم

[حنان البدوي]

ما كنت بتكتب لي ما كنت عارف البي
ولعت جمري الحي خليت قليبي حزين

[سالم جعفر سالم]

ناري انا نار يانار
يابسمة يا نوار

[حنان البدوي]

رغم قساوة الاقدار
والراجينى من مشوار
عكس الموجه والتيار
أنا مسافر بعيد وبعيد
وشايلك يا جميل تذكار

[حنان البدوي]

رايقة قالت لي جنيت
من زمان بوصيك وابيت
شن بوديك كان مو لخبيت
تقطع ام راس من الصبيت

[حنان البدوي]

تلقاك تعاين في الهدف .. وما داري أنت متين تصل
كل الدروب جربتها وسافرت فيها عشان أصل

[الهادي قنديل]

لازَم يقيني ثبات خطاي آه يا رجا الزول اليِقن
إندلقي واجفِي استأنسِك لوعة وسماح يتآنسن
ما الدنيا ما بترجى السُكات .. والفيها ما عاد ينضمِن
اضمن تلاقي الأمنيات.. باكيات تكفكف دمعهن

[أبو أحمد]

نيران الغـرام فـى حالـى ما بيرتـن
ساكنات فى عضاى يصّبحِـن ويمسـن
كـل الاشتكيلـو اقولـو لـى .. طمـن
يقولى ما بتطيب انت اتمكنت مكـن

[الهادي قنديل]

نفس اوجاعي حاصله عليها النوح والشجن والغيره
وفي الليل الصباحو يلاقي عينه تلاقي فد صنقيره
تبكي تكب دموعه دماها دمعها مابيطفي سعيره
يارب في مصابي تزيدني لكن في مصابه تجيره